Neys vo de Ueli 1876

Fasnacht 2024
Äggstra fir d'Fasnacht hänn mir d'Untersytte "Fasnacht 2024" uffgschalte mit em Fasnachtsplan, wo Du gseeh kasche, wenn mir wo sinn....
​​​​​​​

Januar 2024 - E neys Joor
D‘Ueli 1876 wintsche alle Follower, Fründe, Fan und sunschtige Aahänger e guete Rutsch ins Joor 2024.
Blyybet gsund, glügglig und begaischteret vo uns.

​​​​​​​

Septämber 2023 - D'Ueli drummle wiider
Äntligg isch d'Summerpause verbyy und es goot Richtig Herbscht zue. Das isch au Zytt, wo fir d'Ueli  s'reegelmässig Träffe zem zämme Iebe loosgoot. D'Ueli 1876 iebe jeede Fryttig zoobe ab de halber Nyyni (20.30h) im Laiezorn. Im Aaschluss an d'Iebigsstunde sitze mir no gmietligg in dr Baiz zämme und leehn dr Oobe ussklinge.

​​​​​​​Wenn Du uns wettsch bestuune, denn kasch das nadyyrlig jeede Fryttig zoobe ab de Zäähni mache.
Proscht.
​​​​​​​

Meerze 2023 - D'Ueli sinn zrugg
Nach vyyle Joore kemme d'Ueli 1876 zrugg ins Grossbasel.

​​​​​​​Ab sofort triffsch d'Ueli 1876 in ihrer neye, alte Iebigs- und Stammbaiz, im Restaurant Laiezorn am Gämsbärg, aa. Bis Ändi Auguscht kasch uns jewyyle am letschte Fryttig vom Monet ko aahimmle.
Ab Septämber dien denn au mir wiider jeede Fryttig iebe.

D'Ueli 1876 dangge em Karim und Anwar Frick mit ihrem ganze Team fir die unkomplizierti Ruggkeehr in Laiezorn